Hertha Berlin mposhtet në goleadë, pranë rënies nga Bundesliga

Hertha Berlin përkundër një përmbysjeje që bëri sonte ndaj Kolnit, nuk ka arritur të mbijetojë më shumë sesa pjesa e parë e ndeshjes, pasi që brenda 45-minutave humbi epërsinë e arritur kurse në pjesë të dytë ra nga loja për tu mposhtur 5-2 [Selke 8, Hubers 39, 69, Skhiri 43, Huseinbasic 81 - Tousart 18, Jovetic 33].

Përkundër se përmbysën prej 1-0 në 1-2, ekipi i Pal Dardait (dikur, ish-lojtar i ekipit) që në pjesë të parë ra nga loja me 3-2 dhe në fund pësoi thellë, për të bërë mbijetesën tepër të vështirë. Në dy xhirot e mbetura ata do të duhet patjetër të fitojnë dhe të shpresojnë që Bochum, Stuttgart e Schalke të mos fitojnë.

Tash, Hertha e fundit në renditje (18) ka 25 pikë nga 32 ndeshje, ndërsa tri ekipet mbi te që kanë një ndeshje më pak kanë Bochum (28), Stuttgart (28), Schalke (30) pikë.