Kompany mungon një muaj

Qendërmbrojtësi belg, Vincent Kompany, që është violina kryesore e mbrojtjes së ish kampionit të Anglisë, Manchester City do të mungojë për gati një muaj ka raportuar sot faqja zyrtare e këtij ekipi. 

Ai u lëndua në ndeshje ndaj Evertonit të dielën, ku City mposhti kundërshtarin nga Liverpooli 3-1. Lëndimi i tij u vërtetua sot me skenimin që iu bë dhe për t’i ardhur muskuli në gjendje të mëparshme do të duhet të qëndrojë larg fushave të blerta për 4 javë kanë konfirmuar mjekët e klubit. 

Ai gjithashtu do të mungojë në ndeshjet e Belgjikës, të fundit, para kualfikimit në Brazil 2014 ndaj Kroacisë të premten dhe të marten tjetër ndaj Uellsit.