Bellamy pensionohet nga kombëtarja

Sulmuesi 34 vjeçar i Cardiff Cityt, Craig Bellamy, ka vendosur që t’i jep fund karrierës së tij në përfaqësuese. 

“Kjo do të jetë java ime e fundit me Uellsin, nuk do të luaj nga nëntori më,” ka thënë Bellamy raportojnë mediat britanike. 

“Jam i lumtur që kam qenë pjesë e kombëtares uellsiane, ndërsa të dalësh në 70 paraqitje si startues… është ndryshe, të këndosh 70 herë himnin kombëtar… është ndryshe. Shpresoj që ta bëj këtë edhe në dy ndeshjet e fundit,” ka thënë ish futbollisti i Liverpoolit, Manchester Cityt dhe skuadrave tjera, Bellamy. 

Uellsi dy ndeshjet e fundit kualifikuese të Grupit A do t’i luajë ndaj Maqedonisë dhe Belgjikës. Ata asnjëherë nuk janë kualifikuar në ndonjë garë të madhe me kombëtare, përveç Kampionatit Botëror të vitit 1958.