S’i dihet

Shqipëria mund të mbetet pa përzgjedhësin e saj historik, Gianni De Biasi. Sipas informatave të botuara në të përditshmet shqiptare sot, kreu i Federatës Shqiptare të Futbollit, Armando Duka, nuk do t’i ofroj më shumë se 10% rritje rroge për kontratë të re dyvjeçare teknikut italian. 

Ndërsa, De Biasi ka thënë haptazi se ai nuk do të pranojë ofertë të re nëse rroga nuk i ngritet për 30% të asaj aktuale. 

E tërë dilema sillet diku rreth një 100 mijë euroshi që paraqet problem për Dukën, ndërsa nevojë për De Biasin. Për më tepër Panorama Sport ka shkruar se De Biasi është kontaktuar nga kampioni qipriot APOEL si dhe së fundi edhe gjiganti grek Olympiacos. 

Mirëpo, për shkak se De Biasi dëshiron që të jetë korrekt me Shqipërinë, ai nuk ka bërë asgjë publike pa i përfunduar kontrata me kuqezinjtë. Në anën tjetër, edhe Duka nuk ka ndejtur rehat. Ai ka vënë kontaktet e para me austriakun Peter Pacult 53 vjeçar, që ka qenë trajner i Hamdi Salihit derisa shkodrani luante në Rapid të Vjenës. 

Ndërkaq burime nga FSHF-ja i kanë bërë të ditur gazetës në fjalë se Duka do të jetë i gatshëm t’ia rris rrogën De Biasit deri në 15% nëse ky do t’i nxjerr gjashtë pikë nga dy duelet e fundit të Shqipërisë në Grupin E.

Sidoqoftë dilema mbetet ende. Qëndrimi i De Biasit në kombëtare nuk është i sigurtë përkundër sukseseve të tij, ku theu disa herë rekordin në renditje të Shqipërisë në ranglistën mujore të FIFA-së si dhe krijimi të një ekipi të respektuar me shumë futbollistë. 

URIMI PREMTUES: