EHF CHALLENGE CUP
Super Kastrioti, në 1/16 e EHF Challenge
14 October, 2018 @20:53
Pas fitores në ndeshjen e parë dje, Kastrioti ka shënuar fitore edhe në takimin kthyes ndaj Talinit sot, për ta kaluar kështu 1/32 e EHF Challenge Cup, një sukses ky fantastik për skuadrën ferizajase.
Kastrioti dje triumfoi me rezultat 22-25, kurse sot në ndeshjen e luajtur si vendas (edhe pse edhe e djeshmja u luajt në Ferizaj falë marrëveshjes mes skuadrave) Kastrioti triumfoi me rezultat 26-25, për ta eliminuar kështu Talinin estonez dhe për t’u kualifikuar në të 1/16 e finales së EHF Challenge Cup.
Në 1/16 e finales Kastrioti do të takohet me skuadrën belge Vise, ndeshjet ndaj së cilës i zhvillon më 17 dhe 24 nëntor.
Në gara evropiane këtë fundjavë luajtën edhe Besa e Prishtina. E para luajti në EHF Cup, kurse e dyta njëjtë sikur Kastrioti në EHF Challenge Cup, mirëpo për dallim nga Kastrioti, këto dy skuadra u eliminuan.
