Tejkalimi në rregull

Drejtuesit e Federatës Ndërkombëtare të Automobilizmit kanë thënë ekskluzivisht për revistën Autosport se tejkalimi i kampionit të stinorit, Sebastian Vettel, është legjitim.

Me këtë ata kanë mohuar pohimin e Ferrarit për tejkalim të gjermanit 25 vjeçar, derisa flamuri i verdhë ka qenë i ngritur.

Ndërsa, Charlie Whiting, drejtori i garës në Formula 1, ka thënë se flamuri i gjelbër ka filluar të valojë para se Vettel t’ia nis tejkalimit.

“Kështu që aty nuk ka asgjë për t’u diskutuar. Ferrari na ka dërguar kërkesë për shpjegim të rastit, ne e kemi shpjeguar dhe kaq,” ka thënë ndër të tjera Whiting për magazinën Auto Motor të Gjermanisë.