ISTOGU - BOREA
TOPSPORTI / Arian Paçarizi
Adelman dhe Berisha shkëlqejnë, Istogu triumfon ndaj Boreas
24 October, 2024 @23:44
Në ndeshjen hapëse të xhiros së dytë në Ligën e Parë të Kosovës në basketboll, Istogu e mposhti Borean me rezultat 82-77.
Dallimi në këtë ndeshje ishte pikët nga banka rezervë. Istogu nga banka shënoi 37 pikë, derisa Bora 14.
Amerikani Brandon Adalman, ishte më i dalluari me 20 pikë, 9 kërcime e 5 asistime, derisa u ndihmua edhe nga Albin Berisha me 16 pikë, 7 kërcime e 5 asistime.
Te Borea u veçuan, Meriton Gashi me 17 pikë e 7 kërcime, Genc Matoshi e Sokol Nila me nga 16 pikë secili.
Pas 2 xhirove Istogu është pa humbje, ndërsa Borea pa fitore.
Në xhiron e tretë Istogu takohet me Kosovarin, derisa Borea me Grapeland.
