Akil Gjakova arrin gjysmëfinalen në Evropian

Pas dy medaljeve të fituara dje nga xhudistet kosovare Distria Krasniqi dhe Nora Gjakova në kampionatin Evropian të xhudos, Kosova është afër të fitojë edhe medaljen e tretë.

Këtë mund ta bëjë xhudisti Akil Gjakova, i cili është kualifikuar në gjysmëfinale të kampionatit Evropian për kategorinë deri në 73 kg.

Gjakova në gjysmëfinale arriti pasi e mposhti me Ippon rusin Musa Mogushkov, ndërsa më parë i mposhti edhe xhudistët Anthony Zingg (Gjermani) dhe Ido Levin (Izrael).

Në gjysmëfinale Akili do të takohet me zviceranin Nils Stump.