Akil Gjakova arrin gjysmëfinalen, një fitore larg medaljes

Një fitore larg medaljes është Akil Gjakova!

Xhudisti pejan fitoi 3 duele gjatë ditës së sotme, me ç‘rast tash e sheh veten në gjysmëfinale të kategorisë -73 kilogramë.

Dy fitoret e para Akili i arriti me ippon, ndaj brazilianit Cargnin dhe respektivisht austriakut Gassner, e më pas në çerekfinale e mposhti italianin Lombardo, të cilin e kishte mundur edhe në Kampionatin Evropian të Hapur që u mbajt në Prishtinë.

Faza gjysmëfinale fillon përafërsisht rreth orës 16:00, e aty Akili do të përballet me xhudistin Hidayat Heydarov nga Azerbajxhani. Ky i fundit është bartësi i xhudistëve në këtë kategori dhe rrjedhimisht është kundërshtari më i fortë i mundshëm me të cilin do të mund të ndeshej xhudisti pejan.

Nëse Akili kalon në finale, do t’ia sigurojë Kosovës të paktën edhe një medalje të argjendtë.