TUNIS GRAND PRIX 2018
Akil Gjakova në finale
20 January, 2018 @13:50
Xhudisti kosovar, Akil Gjakova, ka arritur në finalen e Tunis Grand Prix 2018 në xhudo sot.
Akili ka kaluar së fundi me sukses edhe uzbekun Mirzokhid Farmonov, për të arritur në finale, që i siguron atij të paktën medaljen e argjendtë.
Rrugëtimi i tij drejt finales ka nisur ndaj Thato Lebangut të Botsvanës. Më pas, në raundin e dytë mposhti britanikun, Daniel Powell, për të kaluar nga japonezi Yuhei Yoshida, drejt gjysmëfinales, ku pak më parë mposhti uzbekun Farmonov.
Në finale, Akili pret fituesin e duelit Zhansay Smagulov (Kazakistan) dhe Mohamr Mohammadi (Iran).
Akili garon në kategorinë deri në 73 kilogramë.
