Alex-Arnold para kalimit në Real Madrid?!

Një njoftim i rëndësishëm ka ardhur sot në mëngjes nga Marca spanjolle, derisa gazeta ka bërë të ditur se mbrojtësi i krahut i Liverpoolit dhe i kombëtares së Anglisë, Trent Alexander-Arnold nuk do të qëndrojë më te të kuqtë nga “Anfield Road”.

Sipas njoftimit, Arnold që nuk ka vazhduar kontratën ende me Liverpoolin tashmë i ka bërë të ditur zyrtarëve të ekipit se dëshiron të kalojë në Real Madrid, si lojtar i lirë në fund të këtij stinori kur edhe i përfundon kontrata me ekipin e tij aktual.

Marca ka përfolur gjithashtu faktin që treshja më e rëndësishme e ekipit nuk ka kontratat e vazhduara me klubin, që ka qenë edhe më e rëndësishmja si duket prej arsyeve që ka bërë Arnoldin të vendos për këtë gjë. Pos tij, as Mohamed Salah e as Virgil Van Dijk nuk kanë kontratat e vazhduara!

Përndryshe, Arnold është 26 vjeç dhe tërë karrierën e tij ka qenë lojtar i Liverpoolit. Ai gjithahstu ka kaluar të gjitha grupmoshat e kombëtares angleze për të arritur deri te seniorët.