Fulham trondit Chelsean në fund!

Chelsea u shokua kah fundi i ndeshjes nga rivali “i lagjes” Fulham në “Stamford Bridge! Derisa ekipi i Enzo Marescës dukej më i fortë fillimisht dhe dominoi një pjesë loje, kah fundi dhe pas barazimit, mysafirët treguan dhëmbët dhe duke shfrytëzuan nonshalancën e disa mbrojtësve të ekipit vendas, shënuan për fitore të madhe - që ishte e para për ta në kuadër të Premier Ligës dhe e para pas 45 vitesh në shtëpin e “të kaltërve”, Chelsea - Fulham 1-2 [Palmer 16’ - Wilson 82’, Muniz 90’+5].

Derisa Fulham i Marcos Silvas ngritet në pozitë të tetë me fitoren e shtatë sezonale dhe ka 28 pikë pas 18 ndeshjesh, Chelsea ka pësuar për herë të parë në kampionat që prej ndeshjes ndaj Liverpoolit, të cilën e kishin humbur më 20 tetor! Të kaltërit me 35 pikë për momentin janë të dytit në renditje akoma.