Spurs thellon krizën e kampionit!

Tottenham shënoi katër gola kundër Manchester City-t në Etihad, duke i dhënë ekipit të Pep Guardiolës humbjen e pestë radhazi.

Kjo fitore e çon Tottenham-in në vendin e gjashtë me 19 pikë, ndërsa City mbetet në vendin e dytë me 23 pikë. Liverpool-i kryeson tabelën me 28 pikë, pasi ka luajtur një ndeshje më pak se rivalët e tij.

“The Reds” do të luajnë kundër Southampton-it të dielën.

James Maddison festoi 28-vjetorin e tij në mënyrë të mrekullueshme duke shënuar dy gola të shkëlqyer në pjesën e parë, ndërsa Tottenham-i i dhuroi një humbje të rëndë 4-0 Manchester City-t, duke i dhënë fund serisë prej 52 ndeshjesh pa humbje në shtëpi të City-t në një mënyrë mahnitëse.