Lineker nuk vazhdon me Match of the Day!

BBC ka konfirmuar se prezantuesi aktual, ish kapiteni i Anglisë, Gary Lineker nuk do të vazhdojë të jetë pjesë e emisionit si prezantues, ndër të parët dhe më të popullarizuarit në Angli për futboll, Match of the Day.

Sidoqoftë, BBC ka siguruar disa marrëveshje tjera me ish futbollistin e Barcelonës që i sigurojnë atij mbulimin e FA Cup për stinorin 2025/26. Gjithashtu, BBC ka shtuar edhe:

“BBC dhe Gary Lineker kanë arritur marrëveshje parimore për vazhdim të kontratës për mbulimin e Kampionatit Botëror 2026”. Lineker gjithashtu ka falenderuar transmetuesin për vazhdim të marrëveshjes në disa pika tjera, pos Match of the Dayit.

Marrëveshjet tjera të BBC-së me Linekerin janë: vazhdimi i podcastit me TopTen të Match of the Dayit, pastaj podcasti The Rest is Football në BBC Sounds, që përfshin edhe Alan Shearerin dhe Micah Richardsit në bisedat e futbollit javor.

Me 33 milionë shikues në stinorin e kaluar për Premier Ligë dhe FA Cup emisioni Match of the Day, është si dozë pëmrbledhëse historike e fundjavës, që ndoshta tashmë vetëm për muzikën në intro të saj të së shtunës mbrëma ia vlen.

Disa media kanë raportuar se Lineker ka pritur të vazhdojë marrëveshjen me BBC për të prezantuar edhe më tej Match of the Day, mirëpo oferta për vazhdim të marrëveshjes nuk kishte ardhur nga ana e kanalit televiziv.