E katërta me radhë, Nottingham Forest në pozitë të tretë!

Anthony Elanga ka dërguar Nottingham Forestin në pozitë të tretë të tabelës së Premier Ligës sot, derisa ka shënuar golin në fitoren e ngushtë ndaj Tottenhamit në “City Ground”, 1-0 [Elanga 28’].

Për Nottinghamin kjo ishte fitorja e katërt radhazi në Premier Ligë, duke tubuar 12 pikë në ndeshjet e fundit, kurse kjo seri për herë të parë arrihet që prej 1995. Trajneri Nuno Espirito Santo ka përmirësuar reputacionin e tij pas këtyre arritjeve, pasi që ekipin e bëri prej një skuadre që luftonte për mbijetesë në një ekip solid, që është në rrugë të mirë për të mbyllë stinorin në pjesën e epërme të tabelës së Premier Ligës!

Sa i përket Tottenhamit, ata vazhdojnë të lëkunden fortë, duke pësuar për herë të gjashtë në dhjetë ndeshjet e fundit kampionale për të mbetur 11 pikë prapa kundërshtarit të sotëm. Nottingham Forest i treti në renditje ka 34 pikë, kurse Tottenham Hotspur është i 11-ti me 23 pikë, derisa ka pësuar për herë të nëntë këtë stinor me sot.