Befasia e xhiros, Borea mposht Yllin

Në takimin e dytë të natës të zhvilluar në palestrën ‘Karagaç’ në Pejë, Borea dhe Ylli zhvilluan një duel interesant, që kaloi me ‘luftë’ deri në çastet e fundit, e në fund fitores iu gëzua skuadra e Boreas, që takimin e mbylli me rezultatin final 96-93 dhe e shkaktoi befasinë e xhiros së VII.

Pjesa e parë kaloi me dominimin e Boreas, pjesë kjo që në fund u mbyll me rezultat 52-40.

PJESA E PARË

Në çerekun e tretë Ylli u tregua skuadër shumë e mirë, duke shënuar 13 pikë më shumë se kundërshtari, e kjo bëri që çereku i katërt të bëhet tejet interesant, me rezultatin që ishte pothuajse i barabartë deri 4 minuta para fundit të takimit. Më pas, ishte skuadra e Yllit ajo që fillimisht u shkëput në rezultat, duke qenë shumë afër fitores, mirëpo në momentet e fundit, 4 pikë radhazi nga Hajzeri dhe një treshe e Allen Idrizajt, ia dhanë epërsinë 1 pikëshe vendasve. Fare në fund, Idrizaj arriti ta rrëmbente topin nga dora e Kuqit të mysafirëve, duke mos e lejuar akcionin e Yllit dhe duke sulmuar në anën tjetër. Ky akcion përfundoi me 2 pikëshin e Qekut, që realizoi pas kërcimit të marrë nga gjuajtja e pasaktë e Idrizajt dhe takimi u mbyll me fitoren e Boreas.

TABELA AKTUALE SUPERLIGA

Më të dalluarit te Borea sonte ishin Allen Idrizaj me 24 pikë, 10 kërcime e 4 asistime dhe Shpend Gashi me 23 pikë, 10 kërcime e 6 asistime, derisa te Ylli për t’u veçuar janë Artin Gashi me 21 pikë, 10 kërcime, 5 asistime dhe Arif Mehmetaj me 21 pikë, 9 kërcime e 3 asistime.

Me këtë fitore, bilanci i Yliit bëhet 4-2, ndërsa Borea tash ka bilanc 2-5.