Bora emëron Rakocevicin në krye të shtabit teknik!

Pas ndarjes së rrugëve me trajnerin Arben Krasniqi, Bora ka emëruar trajnerin e ri të ekipit sot. Përmes zyrtarizimit në llogari të rrjeteve sociale të ekipit, KB Bora ka bërë të ditur se ka arritur marrëveshje me trajnerin malazez, Danilo Rakocevic.

Rakocevic 38-vjeç ka punuar më parë me ekipet sllovake të basketbollit Inter Bratislava dhe Baniuk Handlova. KB Bora ka shprehur kënaqësinë me arritjen e marrëveshjes me Rakocevicin.

“Jemi të lumtur të mirëpresimi trajnerin tonë të ri Malazezin, Danilo Rakocevic!
Danilo vjen me një karrierë nga Superliga Sllovake me skuadrat si Inter Bratislava dhe MBK Banik Handlova.
Besojmë që, nën drejtimin e tij, ekipi ynë do të arrijë suksese të reja.
Mirë se erdhe në familjen tonë, Danilo!” — shkroi njoftimi i klubit.

Bora, që është debutuese në Superligë të basketbollit këtë stinor, ka arritur deri tani vetëm një fitore në cikël të parë të ndeshjeve. Ekipi po synon që të mbijetojë stinorin e parë të klubit në Superligë, ndërsa në xhiron e radhës, janë mysafirë të Yllit.