KAMPION
Dita më e lumtur e jetës
26 October, 2015 @9:28
Ngasësi britanik i Mercedesit, Lewis Hamilton, me fitoren e mbrëmshme në garën për Shpërblimin e Madh të SHBA-ve, ka siguruar titullin e tretë të kampionit në Formula 1.
Ai ka mbrojtur titullin e kampionit të fituar edhe vitit e kaluar, ndërsa me tre tituj ka arritur të barazohet me trofe me idhullin e tij dhe legjendën e Formula 1, Ayrton Senna.
“Ju falemnderit djema. Ky është momenti më i lumtur i jetës sime,” ka thënë Hamilton me të kaluar cakun mbrëmë në radio komunikim me ekipin e tij.
Hamilton ka fituar garën e dhjetë të stinorit mbrëmë, kurse deri në fund të vitit janë edhe tre gara tjera që do të zhvillohen, ku do të jetë interesante lufta për vendin e dytë në mes të Sebastian Vettelit të Ferrarit dhe Nico Rosbergut të Mercedesit.
Ky i fundit ka shprehur mllefin e tij ndaj kolegut nga skuadra, pasi që gjatë gjithë stinorit kanë pasur zënka të ndryshme si me ekipin ashtu edhe gjatë garave.
TOP 3 në USA GP:
| 1 | Lewis Hamilton | Mercedes | 25 pikë | |
| 2 | Nico Rosberg | Mercedes | 18 pikë | |
| 3 | Sebastian Vettel | Ferrari | 15 pikë |
TOP 3 Renditja e Përgjithshme:
| 1 | Lewis Hamilton | Mercedes | 327 pikë | |
| 2 | Sebastian Vettel | Ferrari | 251 pikë | |
| 3 | Nico Rosberg | Mercedes | 247 pikë |
