NË FINALE
Donjeta, drejt medaljes së artë
22 May, 2015 @14:59
Boksierja e reprezentacionit të Kosovës, Donjeta Sadiku, tashmë ka arritur të dalë në meçin kryesor në Kampionatin Botëror të juniorëve që po mbahet në Tajvan.
Ajo ka mposhtur në gjysmëfinale rusen Ekatarina Dynnik dhe ka arritur finalen, ku do të ndeshet me amerikanen Gutierrez Guadalupe.
Me këtë Donjeta i ka siguruar Kosovës sukses historik, duke qenë e sigurtë medalja e argjendtë, ndërsa në rast se fiton në finale ajo do të kthehet me medalje të artë.
Aktualisht Donjeta po bëhet gati për finale, ka bërë të ditur vetë ajo për Borozani.com. Finalja, zhvillohet nesër.
