Step, kthehet me 5 medalje nga Kroacia

Notarët e Klubit të Notit Step, Dion Kadriu dhe Sara Imeri, kanë arritur të fitojnë 5 medalje në garën ndërkombëtare Zlatni Orlando, që u mbajt në Dubrovnik të Kroacisë, më 15-16 maj. 

Sara që bën gara në grupmoshat 1999/2000 ka fituar 3 medalje në këto disciplina: 50m në stilin Bretkocë (argjend), 100m Bretkocë (ari) dhe 200m Bretkocë (ari); 

Ndërsa Dioni që bën gara në grupmposhat 2000/2001 ka fituar medalje në këto disciplina: 50m në stilin me Shpinë (argjend) dhe 100m Shpinë (bronz). 

KN Step, tash bëhet gati për garën e radhës të notarëve që mbahet në Selanik të Greqisë në datat: 22, 23 dhe 24 maj 2015. 

Aty do të marrin pjesë: Rita Zeqiri, Rron Thaçi, Besart Shala, Sara Imeri, Dion Kadriu dhe Eda Zeqiri.