PAS AUSTRALIAN GP
Hamilton starton keq, Alonso shpëton, Rosberg fiton
20 March, 2016 @12:35
Me fitore stinorin e hapi gjermani Nico Rosberg, që ka shfrytëzuar më së miri gabimin e kolegut të tij të skuadrës së Mercedesit, kampionin aktual, Lewis Hamilton, që nuk e nisi mirë garën dhe përkundër pole-positionit ishte i gjashti pas rrethit të parë.
Sidoqoftë, Hamilton luftoi për të siguruar podiumin dhe e përfundoi garën në vend të dytë, ndërsa i treti doli Sebastian Vettel i Ferrarit.
Ish kampioni Fernando Alonso kaloi një moment të tmerrshëm në garë, kur u fut në një aksident të rrezikshëm dhe bolidi i tij u rrotullua e rrëshqiti keq disa herë, por Alonso doli nga makina e tij - duke ecur.
E fituesi i garës së parë të stinorit në Melbourne, Rosberg, pas triumfit ka thënë: “Strategjia ka qenë vendimtare sot. I jam falënderues ekipit që bëri një punë të suksesshme në këtë drejtim.”
TOP 5 GARUESIT NË AUSTRALIAN GP:
| 1 | Nico ROSBERG | |||
| 2 | Lewis HAMILTON | |||
| 3 | Sebastian VETTEL | |||
| 4 | Daniel RICCIARDO | |||
| 5 | Felipe MASSA |
