I pandalshmi Joshua, mposht rusin Povetkin dhe mbron titujt

Edhe pse Povetkin u tregua kundërshtar më i fortë se që pritej dhe zhvilloi një ‘meç’ mjaft të mirë, Anthony Joshua përsëri arriti të dilte fitimtar në duelin e sontëm, për t’i mbrojtur kështu titujt WBA, IBF, WBO dhe IBO.

Joshua fitoi me ‘knock-out’ në raundin e shtatë, duke e dëshmuar edhe një herë kualitetin e tij, ndërsa rusi 39-vjeçar, Alexander Povetkin, duhet të jetë i kënaqur me paraqitjen e treguar sonte.

Gjithsesi, ky duel shihej si jo shumë i vështirë për Anthony Joshuan, i cili sfidën e vërtetë pritet ta ketë vitin e ardhshëm, vit në të cilin pritet përballja e tij me njërin nga boksierët Deontay Wilder apo Tyson Fury, të cilët llogariten boksierë më të mirë sesa Povetkin.