Jemi grup i bashkuar, fitorja e merituar

Në konferencën për shtyp një ditë pas fitores historike me Rumaninë, para mediave u paraqitën Burim Kukeli dhe Orges Shehi.

Kukeli, i cili mbrëmë nuk luajti për shkak të dy kartonëve të verdhë në dy ndeshjet e para, para mediave u shpreh:

“Normalisht se dëshiroja të isha pjesë e ndeshjes, mirëpo gjithsesi jam shumë i lumtur për fitoren, e cila ishte me plot meritë.

Federata, skuadra dhe të gjithë shqiptarët kudo në botë janë të lumtur me këtë fitore dhe kjo është kënaqësia jonë më e madhe. Ne nuk kemi yje të mëdhënjë në skuadër, mirëpo mundohemi t’i tregojmë vlerat tona duke luajtur të bashkuar si grup.

Gjithçka është rezultat i punës së madhe në stërvitje dhe mentalitetit që të mos dorëzohemi deri në fund. Tek festimi i Armandos afër pankinës tonë u pa se sa të lumtur jemi dhe u pa që ne jemi një grup i bashkuar.” - u shpreh Kukeli.