MEDIA SPANJOLLE
Hysaj zëvendësim i Dani Alvesit
20 June, 2016 @14:15
Krahu i djathtë i kombëtares shqiptare, Elseid Hysaj, është para hapit të madh në karrierë. Sot mediat spanjolle kanë bërë të ditura se edhe Barcelona është vënë në gjah serioz për krahun kuqezi.
Futbollisti 22 vjeçar të cilin në EURO2016 e kanë vrojtuar deri tani Atletico Madrid dhe Arsenal, mund të përfundojë te Barcelona, pasi që Sport.es ka kuptuar se Napoli ka refuzuar një ofertë 19 milionë euroshe nga Arsenali.
Hysaj shihet si zëvendësim i Dani Alvesit te Barcelona, ndërsa problemi i vetëm mbetet se Napoli dëshiron t’ia zgjasë edhe më kontratën shqiptarit, ashtu që të shitet edhe më shtrenjtë.
