MAVRAJ
Foto: uefa.com
I treguam botës kush janë shqiptarët
20 June, 2016 @13:00
Para pak çastesh, qendërmbrojtësi i kombëtares shqiptare, Mërgim Mavraj, në një postim të tijin në Facebook ka shkruar se Shqipëria i tregoi gjithë botës dje se kush janë shqiptarët.
Për më tepër, ai ka thënë se shqiptarët nuk duhet të ndjehen të humbur nëse kuqezinjtë nuk arrijnë në të tetën e finales, për më tepër, ne fituam dhe shijuam emocionet.
“Shumë prej jush keni derdhur lot dhimbje e gëzimi dhe për këtë ju jemi mirënjohës. Ju falenderojmë dhe u jemi borxhlinjë. Por, të jeni të sigurtë, rrugëtimi kuqezi për garat europiane sapo ka nisur,” ka shkruar ndër të tjera Mavraj.
