DE BIASI
Dhuratë për lojtarët
19 June, 2016 @23:39
Selektori i kombëtares shqiptare, Gianni De Biasi, pas ndeshjes ka thënë se fitorja kuq e zi ka qenë e merituar.
“Fituam me meritë ndaj Rumanisë, të cilët kanë pasur të tetën e finales të sigurtë nëse do të na mposhtnin neve. Ka qenë ndeshje tepër emocionuse si ajo ndaj Armenisë në kualifikime,” ka thënë fillimisht De Biasi.
Çka nëse shkon Shqipëria tutje?
“Besoj se kjo skuadër tash mund të jap edhe më tepër. Kemi paguar ndaj Zvicrës, luajtëm ndaj Francës dhe tash me fitore erdhi besimi se mund t’ia arrijmë,” ka shtuar italiani.
A ishte kjo dhuratë për ditëlindjen tuaj që e kishit ditë më parë?
“Jo. Kjo është dhuratë për të gjithë këta lojtarë në fushë, që nuk kursyen asgjë nga vetja për të arritur këtu,” ka thënë në fund De Biasi.
