Tre futbollistë të dyshimtë te Rumania

Përfaqësuesja e Rumanisë para ndeshjes së sontme ndaj Shqipërisë, i ka në dyshim tre futbollistë.

Mbrojtësi veteran, Razvan Rat, mbrojtësi Steliano Filip dhe mesfushori Mihail Pintilii, deri në orën e ndeshjes nuk do të dihet nëse do të luajnë apo jo sonte, për shkak të lëndimeve të lehta që i kanë pësuar.

Treshja sot është stërvitur ndaras nga ekipi duke bërë vrapim dhe ushtrime të lehta.

Rat dhe Pintilii kanë qenë titullarë në dy ndeshjet e para të Rumanisë në EURO.

Përndryshe, te Rumania nuk ka asnjë mungesë tjetër, derisa Shqipërisë do t’i mungojë Burim Kukeli, i suspenduar nga kartoni i verdhë në ndeshjen e fundit.