UEFA NJOFTON
Përfitime për klubet që dërguan lojtarë në EURO2016
10 September, 2016 @13:20
UEFA ka bërë të ditur përmes një njoftimi se 659 klube do të përfitojnë nga UEFA-ja të holla, për shkak se kanë dërguar lojtarë në europianin “Franca 2016”.
100 milionë euro do tu distribuohen klubeve që kanë dërguar lojtarë në “Franca 2016”, ndërsa 50 milionë euro do tu distribuohen klubeve, lojtarët e të cilëve, kanë qenë pjesë e kualifikimeve për “Franca 2016”.
“Kjo do të jetë një ndihmë e madhe për rekord numër të klubeve si këtë herë, ndërsa ata mund t’i shfrytëzojnë të hollat për zhvillim të mëtutjeshëm të ekipit,” ka thënë Giorgio Marchetti, drejtor i garave në UEFA.
Lista e plotë e klubeve, bashkë me të hollat që do t’i takojnë do të publikohen në të ardhmen e afërt, ka bërë të ditur UEFA-ja.
