Tuchel do të takohet me sulmuesin e tij të preferuar

Chelsea do të përballet me Atletico Madrid të martën mbrëma, në kuadër të Champions League, me fillim prej orës 21:00.

Trajneri i ardhur tek Chelsea, Thomas Tuchel, vazhdimisht ka shprehur simpatinë e tij për sulmuesin e Atletico, Luis Suarez, i cili po shkëlqen këtë sezonë.

Tekniku gjerman ishte i interesuar ta transferojë tek PSG bomberin uruguajan kur ai u largua nga Barcelona, por Suarez dëshironte të vazhdonte aventurën e tij në Spanjë.

Tuchel do të përballet me Suarez dhe mbetet të shihet nëse do të arrij ta neutralizojë atë.