ISH TRAJNERI KUQEZI
TOPSPORTI/ Erdis Driza/ Arkiv
De Biasi ngushëllon Shqipërinë
26 November, 2019 @17:09
Trajneri legjendar i kombëtares shqiptare në futboll, italiani Gianni De Biasi, ka ngushëlluar para pak çastesh Shqipërinë, me rastin e termetit që ndodhi aty.
“Me gjithë zemrën time shpreh afërsinë, dhimbjen time, për viktimat dhe për të gjithë popullsinë e goditur nga tërmeti në Shqipëri. Shpresoj shumë që të ktheheni në normalitet sa më shpejt që të jetë e mundur, dhe se ka një ndihmë thelbësore për njerëzit që kanë humbur shtëpinë e tyre! Ngushëllime për ata që kanë humbur të dashurit në këtë përvojë të dhimbshme. Guxim dhe shumë forcë reagimi. Forconi Shqipërinë,” - ka shkruar De Biasi në llogarinë e tij të Facebookut.
Kujtojmë, De Biasi është trajneri që ka arritur suksesin më të madh me kombëtaren shqiptare në futboll, pasi që i siguroi asaj kualifikimin në Kampionatin e parë Evropian ndonjëherë, duke shkuar në EURO 2016.
