TKZ mobilizohet për ndihmë në vendet e prekura nga termetet e fundit

Tifozat Kuq e Zi janë mobilizuar pas termeteve në Shqipëri, që morën jetën e deri tash 8 personave dhe lanë qindra të lënduar.

TKZ ka dalë me komunikatë ku thërret për kontribut, pasi që është ngritur fondi emergjent për ndihmë në vatrat e prekura nga termetet.

“Pas tërmeteve të fundit, Tifozat Kuq e Zi janë mobilizuar, dhe kanë ngritur një fond emergjent për ndihmë, vatrave të prekura. Ju njoftojmë se kemi filluar grumbullimin e mjeteve për zonat e dëmtuara. Për të kontribuar edhe ti, ju lutem kontaktoni përfaqësuesin më të afërt www.tifozatkuqezi.com/perfaqesuesit. Gjithashtu, Tifozat Kuq e Zi, shprehin gatishmëri që të japin ndihmën e tyre vullnetare, qoftë si pjesë e ushtrisë, kryqit të kuq, apo organizatave të tjera simotra që ndihmojnë njerëzit në nevojë,” shkruan në njoftimin e tyre.