MALISHEVA 1-0 LIRIA
Malisheva triumfon, rrëzon Lirinë nga pozitat që dërgojnë në Superligë
24 November, 2019 @15:11
Lufta e madhe për dy vendet që dërgojnë në Superligë po vazhdon.
Ndërsa ekipi i Malishevës ka shënuar fitoren e tetë të stinorit, duke e fituar Lirinë e Prizrenit, që pësuan për herë të katërt këtë stinor.
Malishevasit kanë shfrytëzuar mirë rastin e tyre para portës bardhezi për 1-0 dhe epërsinë e arritur e kanë ruajtur deri në fund të takimit, për të arritur kuotën e 25 pikë, sa ka edhe Liria dhe katërt skuadra tjera.
Vendimtar në këtë ndeshje është treguar Edonis Kransiqi, që me golin e tij të shënuar në minutën e 60-të shfrytëzoi gabimin e mbrojtjes prizrenase dha epërsinë, që doli të jetë edhe fitore 1-0 për Malishevën.
Por me këtë disfatë Liria tashmë ka rënë nga pozita e dytë, të cilën e ka kapur Besa e Pejës me golaverazh më të mirë.
