DRENICA - VUSHTRRIA
Foto: KF Drenica
3 gola për 3 pikë, Drenica e fortë për Vushtrrinë
23 November, 2019 @15:09
Me tre gola të shënuar ‘ekspres’ mes minutave 73’ e 83’, Drenica në “Bajram Aliu” ka arritur ta mposhtë me rezultat 3-0 skuadrën e Vushtrrisë.
Pjesa e parë mes skuadrave u mbyll pa gola, derisa më klinike në pjesën e dytë u tregua skuadra nga Skenderaj, e cila fitoren e gjeti përmes golave të shënuar nga Përparim Osmani (73’), Princ Balde (80’) dhe Arsen Sykaj (83’), për t’i arkëtuar kështu 3 pikë.
Fitorja e shënuar sot e mban Drenicën të qetë jashtë zonës së rrezikshme, kurse Vushtrria vazhdon ta rrezikojë seriozisht rënien në Ligën e Parë.
Sa i përket xhiros së ardhshme, Drenica luan në shtëpi me Ferizajin, kurse Vushtrria në “Ferki Aliu” e pret Ballkanin.
