Karting, të dielën në Mitrovicë

Pas 12 garave në disiplinat malore dhe rrethore (plus DRAG-u), aktiviteti i radhës për Federatën e Auto Sportit të Kosovës është gara në disiplinën e kartingut, e cila këtë të dielë do të zhvillohet në Mitrovicë. 

Gara organizohet nga FASK-u në bashkëpunim me klubet, ndërsa do të asistojë edhe një staf ndërkombëtar.

Në bazë të interesimit të shprehur  deri tani, duket se numri i pjesëmarrësve do të jetë mjaft i madh, ndërsa janë paraqitur garues që nga mosha 6-33 vjeçare.

Në FASK vlerësojnë se bëhet fjalë për një garë interesante, por edhe të rëndësishme, pasi në karting janë edhe filizat e auto sportit, prandaj edhe kësaj disipline do t’i kushtohet hapësira e duhur.

Pjesëmarrësit në garë duhet t’i kenë makinat e tyre si dhe pajisjet e duhura.