KBF Bashkimi fiton derbin, e vetmja skuadër pa humbje

Kampionet aktuale, KBF Bashkimi, ka triumfuar në Prizren kundër Penzës me rezultat 72-67.

Edhe pse rezultati ishte i ngushtë, Bashkimi nuk e lëshoi epërsinë në asnjë moment, kurse duhet të cekur se Penza prej disavantazhit prej -16 pikëve, e barazoi rezultatin në çerekun e fundit, por nuk arriti ta mposhtë kundërshtaren.

Caterrion Thompson me 21 pikë, 9 kërcime e 6 asistime, ishte më e dalluara te Bashkimi. Përveç Thompson, te Bashkimi u dalluan edhe Aulona Muhadri me 16 pikë e 10 kërcime, Dana Thompson me 14 pikë dhe Arbnore Përquku me 13 pikë e 12 asistime.

Te Penza Nicole Terry me 20 pikë e 13 kërcime, Jasmine Joyner me 14 pikë, dhe Saranda Daci e Jeta Zeka me nga 13 pikë secila.

TABELA AKTUALE

Që të dyja skuadrat ishin pa humbje deri në këtë përballje, tani pas 4 xhirove në Ligën e Femrave vetëm Bashkimi mbetet skuadra e pamposhtur.

Në xhiron e pestë Bashkimi takohet me Trepçën, derisa Penza me Pejën 03.