Këtë fundjavë mund të bëhet kampion

Piloti gjerman i Mercedesit, Nico Rosberg, këtë fundjavë mund të shpallet kampion në Formula 1.

Gjermani është duke e udhëhequr renditjen e këtij viti dhe ka 19 pikë më shumë se ndjekësi i parë i tij dhe kolegu i skuadrës, Lewis Hamilton, që është edhe kampion aktual i Formula 1.

Gara e parafundit e vitit në Formula 1 zhvillohet këtë fundjavë në Brazil në shtegun Carlos Pace.

Me gjatësi prej 4 mijë e 309 metrave, shtegu Carlos Pace përfundon pas 71 rratheve të bëra dhe zhvillohet këtë të diel (13 nëntor 2016).

Rosbergut i duhet fitorja në këtë garë për t’u bërë kampion. Ndërsa nëse Hamilton mbetet jashtë garës, Rosbergut së paku i duhet të jetë pjesë e gjashtëshes kryesore të renditjes.

Piloti 31 vjeçar është para titullit të parë në karrierë, ndërsa këtë vit ka triumfuar në garat e zhvilluara në: Monaco, Kanadë, Australi, Britani të Madhe, Hungari, Gjermani, SHBA dhe Meksikë.

Gara e së dielës në Brazil nis në ora 17 me kohën tonë.

TOP 5, Renditja e përgjithshme e pilotëve: