KAMPIONATI EKIPOR I KOSOVËS NË TENIS
Finalja zhvillohet në Prizren
Teksti: FTK
8 November, 2016 @15:26
Finalja e Kampionatit Ekipor të Kosovës në tenis në mes të Prizrenit dhe Prishtinës do të luhet të dielen në Prizren.
Do të jetë kjo përballje e dy klubeve më të mira të tenisit në Kosovë që do të garojnë për titullin e klubit më të mirë në konkurrencën ekipore.
DATA DHE SISTEMI
Takimi zhvillohet të dielen më 13 nëntor 2016 në Prizren, në terrenin e mbyllur të klubit Sesahr dhe fillon në ora 10:00.
Loja zhvillohet sipas rregullave të Davis Cup ku zhvillohen katër takime individuale dhe një takim i çifteve.
I TETI ME RADHË
Për tu shpallur kampion ekipi fitues duhet të shënoj tre fitore. Ekipet finaliste kanë të drejtën e përforcimit me nga nje tenist që nuk është shtetas i Kosovës.
Ky është kampionati i tetë ekipor i Kosovës në tenis që mbahet rregullisht pas shpalljes së Pavarësisë së Kosovës.
Kampioni aktual eshte K.T. Prizreni.
