KT Diellix njofton për vjedhje dhe dëmtime në terrenin e tenisit

Përmes një njoftimi në llogarin e klubit në Facebook, KT Diellix ka bërë të ditur se ka qenë cak i personave të papërgjegjshëm, ndërsa rastin e ka lajmëruar në polici.

Mëposhtë, postimi i plotë i KT Diellix:

Njoftim
Dje, klubi i tenisit Diellix ka qenë cak i hajnave të cilët kanë arritur të futen në terrenet e tenisit në Taukbashqe dhe të shkaktojnë dëmë të konsideruar për klubin, aktivitetet dhe anëtarët e saj. Hajnat kanë arritur që brenda fushës te pjesa e deposë së rekuizitave të tenisit të vjedhin 15 reketa dhe topa të tenisit të gjitha këto që ishin në dispozicion të shkollës së tenisit për kategoritë e reja. Gjithashtu, është dëmtuar njëra shtyllë e rrjetës së tenisit, duke pamundësuar zhvillimin e lojës në atë fushë.

Dëmi i shkaktuar nuk do të ndalojë punën tonë dhe ushtrimet e fëmijëve të gjitha grupmoshave në këto terrene të tenisit.