FRANCE 2017 - DITA 12
Konfirmohen 4 çerekfinalistët e parë
22 January, 2017 @12:20
Ka filluar faza e eliminimit direkt në Kampionatin Botëror të Hendbollit që po luhet në Francë.
Në takimet e luajtura dje në kuadër të 1/8 së finales, në fazën tjetër kanë kaluar skuadrat që edhe parashikoheshin të kalonin tutje.
Takimi më interesant i ditës, ai mes Norvegjisë e Maqedonisë, u mbyll me fitoren e përfaqësueses skandinave, e cila fitoi me rezultat bindës 34-24, për t’ia mohuar kështu ballkanasve kalimin në çerekfinale.
Pa probleme në çerekfinale kaloi edhe nikoqiri Franca në takimin e luajtur ndaj Islandës, ndërsa me shumë mund u kualifikua Spanja, e cila takimin ndaj Brazilit e mbylli me rezultat të ngushtë 28-27, me portierin brazilian Cesar Almeida që zhvilloi një paraqitje jashtëzakonisht të mirë.
Në takimin e fundit të ditës së djeshme, tutje kaloi edhe Sllovenia, e cila e mposhti përfaqësuesen ruse me rezultat 32-26.
Kështu, 4 çerekfinalistët e parë janë: Norvegjia, Franca, Spanja dhe Sllovenia.
Në takimet që luhet sot nuk pritet të ketë ndonjë befasi, me Suedinë, Danimarkën,Gjermaninë dhe Kroacinë që pritet të kalojnë tutje.
Orari i ndeshjeve të sotme (1/8 e finales, 22 janar):
Skema e fazës play-off:
