Kosova në pritje të rivalëve në kualifikime për EURO2020

Sot në ora 19:00 në Trondheim të Norvegjisë, do të hidhet shorti për kualifikimet e EURO 2020 në hendboll.

Përfaqësuesja e Kosovës, do të jetë në vazon e katërt së bashku me: Finlandën, Belgjikën, Estoninë, Greqinë, Rumaninë, Italinë dhe Ishujt Faroe.

Ndërsa vazot tjera janë:

VAZO 1: Franca, Kroacia, Gjermania, Danimarka, Sllovenia, Bjellorusia, Hungaria e Maqedonia.
VAZO 2: Rusia, Çekia, Polonia, Islanda, Serbia, Mali i Zi, Bosnja, Holanda e Portugalia.
VAZO 3: Letonia, Lituania, Zvicra, Sllovakia, Ukraina, Izraeli e Turqia.

KUSH KUALIFIKOHET?

Dy të parët nga secili grup kualifikohen në evropian e poashtu edhe katër kombëtaret më të mirë të vendeve të treta. Ndeshjet e para do të luhen në tetor të këtij viti.

KU MBAHET?

Evropiani i vitit 2020 mbahet në Suedi, Norvegji e Austri, prej 10 deri më 26 janar. Do të jetë ky kampionati i parë me 24 përfaqësuese, pasi deri më tani ishin nga 16 përfaqësuese. Tri vendet nikoqire dhe Spanja si kampion i Evropës nga vitit 2018 kualifikohen direkt për “Euro 2020”. “Euro 2020” është poashtu i pari që organizohet në tri vende.