PRELIMINARY ROUND
Foto: FHK
Kosova U20 mposhtet nga Holanda U20
Teksti: FHK
20 July, 2018 @21:44
Përfaqësuesja U20 e Kosovës në hendboll ka nisur me humbje kampanjën në kampionatin evropian që po mbahet në Podgoricë.
Në kuadër të grupit A të raundit preliminar Kosova U20 të premten në kryeqendrën e Malit të Zi humbi nga Holanda me rezultatin 34:21.
Në fakt dallimi në rezultat u bë në pjesën e dytë pasi e para ishte thuajse e barabartë. Rezultati pas pjesës së parë ishte 13:11 në të mirë të Holandës.
Te kombëtarja jonë më efikasi ishte Jon Muqolli me 7 gola. Pesë herë realizoi Drenit Tahirukaj.
Kosova ndeshjen e dytë e luan të dielen, ndaj Çekisë. Shpresohet në rezultat më të favorshëm dhe në ngritje të nivelit të lojës.
i:
| Holanda - Kosova 34:21 (13:11) | |||
| Kosova: J. Muqolli 7, Tahirukaj 5, Shabani 3, Vokshi 3, Gubetini 2, Muqolli 1, Abazi, Bajqinovci, Basholli, Beqiraj, Berisha, Dugolli, Halili, Loxha, Luzha, Mustafa. |
