POLE RACE @ HUNGARIAN GP
Lewis pa shpresa, Rosberg i pari
26 July, 2014 @15:53
14 pikë i duhen Lewis Hamiltonit për ta zënë në krye të renditjes kolegun e tij të skuadrës Nico Rosberg, ashtu që të dalë në krye të kampionatit të Formula 1.
Mirëpo, gjasat e britanikut u zbehën edhe më shumë pasi që bolidi i tij morri flakë dhe ai u detyrua të dalë nga shtegu, për tu nisur nesër i fundit në garën për Çmimin e Madh të Hungarisë.
Kështu, Nico Rosberg përsëri fitoi garën për Pole Position dhe do të niset nesër i pari në Hungari.
Pas liderit të kampionatit Rosberg, do të niset kampioni i katërfishtë Botëror, Sebastian Vettel, derisa finlandezi që po ngritet gjithnjë e më shumë, Valtteri Bottas, do të niset i treti, para Daniel Ricciardos së Red Bullit - që nis nga pozita e katërt, apo rendi i dytë i startit.
Deri në fund të kampionatit në Formula 1 kanë mbetur edhe 10 gara, përfshirë edhe Hungarian GP.
TOP 3 para Hungarian GP:
| 1 | Nico Rosberg | Mercedes | 190 pikë | |
| 2 | Lewis Hamilton | Mercedes | 176 pikë | |
| 3 | Daniel Ricciardo | Red Bull | 106 pikë |
