Rivalët e ekipeve kosovare në Europë

Skuadrat kosovare sot janë përfshirë në shortin e garave europiane të hendbollit për stinorin 2014/15. 

Duke shkuar radhazi, Besa Famiglia e Pejës do të luajë në fazën e parë kualifikuese të EHF Cup dhe si kundërshtare do ta ketë ekipin estonez, Kehra. Përballjet mes këtyre skuadrave do të luhen më 6-7 shtator dhe 13-14 shtator. Besa në rast të kualifikimit e din edhe kundërshtarin e radhës, që është Nexe e Kroacisë. Me kundërshtarin e dytë potencial, pejanët do të luajnë në tetor. 

Sa i përket garave të Challenge Cup, aty bën pjesë Prishtina. Kryeqytetasit do të ndeshen me ekipin norvegjez, Stord, në raundin e tretë kualifikues të kësaj gare, derisa ndeshjet e para zhvillohen më 22-23 nëntor, e ato të kthimit më 29-30 nëntor. 

Kosova e Vushtrrisë te konkurrenca e femrave do të ndeshet me kroatet e Zelinas në kuadër të Challenge Cup (15-16 nëntor dhe 22-23 nëntor), derisa vashat e Kastriotit do të përballen me Michalovce të Sllovakisë, në xhiron e parë kualifikuese të EHF Cup, e në rast të kalimit të kësaj fazë do të ndeshen me rumunet e Corona Brasovit. 

Garat europiane 2014/15: