QATAR GP
REUTERS/Fadi Al-Assaad
Lorenzo ia nis mbarë
8 April, 2013 @10:49
Lufta për një vend në podium dha një garë të jashtëzakonshme që në fillim të stinorit të Moto GP. Valentino Rossi që pas një gabimi ra në vendin e shtatë, kishte një garë perfekte duke i kaluar Hondat e Marc Marquezit dhe Dani Pedrosas për të përfunduar garën në vendin e dytë.
Ndërkaq kampioni, Jorge Lorenzo, u humb nga shikimi që pas kthesës e parë, duke i lënë të gjithë garuesit pas tij.
“Jam shumë i kënaqur për Yamaha-në dhe për Valentinon, pasi që ai kaloi dy vite të vështira. Përkundër nervozës që kisha në fillim, u koncentrova në vazhdim të garës dhe kjo më bëri që ta përfundojë garën i qetë,” ka thënë kampioni Lorenzo pas fitores së parë të tij të stinorit, në garën për Çmimin e Madh të Katarit.
TOP 5 - PAS QATAR GP
| Jorge Lorenzo | 25 pikë | ||
| Valentino Rossi | 20 pikë | ||
| Marc Marquez | 16 pikë | ||
| Dani Pedrosa | 13 pikë | ||
| Cal Crutchlow | 11 pikë |
