Mbreti Vettel

Kampioni i katërfishtë botëror Sebastian Vettel mbrëmë fitoi edhe garën e fundit të stinorit të vlefshme për Çmimin e Madh të Brazilit, në shtegun Interlagos. 

Vettel e kishte siguruar më parë titullin e kampionit, por ai tani ndjekte rekordin e legjendës tjetër gjermane të këtij sporti, Michael Schumacher. E me fitore, Vettel e arriti këtë. 

Vettel fitoi edhe zyrtarisht dje titullin e katërt me radhë duke u bërë njeriu i vetëm në histori të këtij sporti që e arrin këtë sukses në moshën 26 vjeçare. 

Me makinën e tij, ai në karrierë ka regjistruar në përgjithësi 39 fitore, derisa ka qenë pjesë e podiumit (treshes së parë të garës) 62 herë. 

Ka nisur karrierën si ngasës i BMW Sauberit, në vitin 2006, e ka vazhduar atë te Toro Rosso në gjysmën  e vitit 2007, derisa që nga viti 2009  ai është pjesë e Red Bullit dhe ka fituar vetëm tituj të kampionit. 

“Djema, jam krenar për ju. Ju dua. Mbajeni në mend, jetoni këtë moment. Po. Ia arritëm. është e pabesueshme,” kanë qenë fjalët e tij të para pasi që arriti cakun, fjalë gëzimi këto që dëgjoheshin nga lidhja radiofonike e Red Bullit me ngasësin e tyre kampion që po vazhdon të shkruajë historinë e këtij sporti.