TENIS U11
Melos Nallbani në finale
2 July, 2016 @15:50
Tenisti i ri kosovar, Melos Nallbani, ka arritur në finalen e turneut të bashkëmoshatarëve të tij që po mbahet në Dubrovnik të Kroacisë këto ditë.
Melosi është anëtar i KT Peja dhe në ndeshjen e parë kishte mposhtur kroatin Sven Grilec, 6-1 dhe 6-4.
Rrugëtimi i tij drejt finales kaloi duke e kaluar Ante Kacicin, pastaj edhe Mateo Karlicin, ketë të fundit 4-0 e 4-1.
Kurse sot trajneri i KT Peja, Kreshnik Arifi, përmes një njoftimi në Facebook ka bërë të ditur se Melosi ka mposhtur edhe amerikanin August Allen 4-0 dhe 4-2 për të arritur finalen e turneut.
Në finale, Nallbani do të takohet me Anton Goncear (Molldavi) i cili mposhti Neo Novakovicin (Kroaci) në gjysmëfinalen tjetër.