Southgate me 33 futbollistë në listë, përgatitjet vendosin listën finale për EURO 2024

Përzgjedhësi i suksesshëm i Anglisë, Gareth Southgate, që bëri Anglinë nënkampione të Evropës në evropianin e kaluar dhe arriti në gjysmëfinale të Botërorit “Rusia 2018” ka publikuar sot listën e gjerë të të ftuarve për përgatitje drejt EURO 2024.

Anglia, llogaritet ndër favoritet për të fituar EUROn në Gjermani, ndërsa Southgate që mund të konsiderohet që po e mban lartë ekipin e albionëve në gara të mëdha ka ftuar 33 futbollistë, prej të cilëve 26 do të përbëjnë listën finale për udhëtim në Gjermani.

ORARI I TË GJITHA NDESHJEVE DHE GRUPET

“Tre luanët” do të kenë dy miqësore në qershor para se të fillojë evropiane, ku më 3 qershor presin Bosnje e Hercegovinën në St. James’ Park, ndërsa më 7 qershor Islandën në ëembley. Pas këtyre ndeshjeve, më 8 qershor Southgate do të publikojë listën përfundimtare, ka bërë të ditur faqja zyrtare e Federatës së Futbollit të Anglisë (FA).

Në evropian, Anglia bën pjesë në Grupin C, ku për kundërshtarë do t’i ketë Slloveninë, Danimarkën dhe Serbinë.

ANGLIA

LISTA E LOJTARËVE:

Portierë: Dean Henderson (Crystal Palace), Jordan Pickford (Everton), Aaron Ramsdale (Arsenal), James Trafford (Burnley).

Mbrojtës: Jarrad Branthwaite (Everton), Lewis Dunk (Brighton), Joe Gomez (Liverpool), Marc Guehi (Crystal Palace), Ezri Konsa (Aston Villa), Harry Maguire (Manchester United), Jarell Quansah (Liverpool), Luke Shaw (Manchester United), John Stones (Manchester City), Kieran Trippier (Newcastle), Kyle Walker (Manchester City)

Mesfushorë: Trent Alexander-Arnold (Liverpool), Conor Gallagher (Chelsea), Curtis Jones (Liverpool), Kobbie Mainoo (Manchester United), Declan Rice (Arsenal), Adam Wharton (Crystal Palace).

Sulmues: Jude Bellingham (Real Madrid), Jarrod Bowen (West Ham), Eberechi Eze (Crystal Palace), Phil Foden (Manchester City), Jack Grealish (Manchester City), Anthony Gordon (Newcastle), Harry Kane (Bayern Munich), James Maddison (Tottenham), Cole Palmer (Chelsea), Bukayo Saka (Arsenal), Ivan Toney (Brentford), Ollie Watkins (Aston Villa).

Prej kësaj listë të të ftuarve për përgatitje drejt EUROs, Southgate ka edhe 5 debutues potencialë në listë: Jarrad Branthwaite, Curtis Jones, Jarell Quansah, Adam Wharton dhe James Trafford