Te Portugalia s’ka dilema, 26-shja finale për EURO 2024 dihet prej sot

Robreto Martinez nuk ka pasur dilema fare për ekipin kombëtar që do të jetë pjesë e EURO 2024 lidhur me ftesat e futbollistëve. Ai, për dallim nga gjithë përzgjedhësit tjerë të kombëtareve, ka publikuar listën finale prej 26 lojtarëve që tash, pa pasur nevojë për listë rezervë.

Me Cristiano Ronaldon me përvojë në bord, Martinez do të nis përgatitjet për EURO 2024 shpejt, kurse në qershor do të ketë tre miqësore para fillimit të evropianit.

Portugezët, një herë kampion evrope, do të luajnë ndaj Finlandës më 4 qershor, Kroacisë më 8 qershor dhe Irlandës më 11 qershor. Ndërkaq, seleçaoja e luzitanëve në EURO do të jetë në Grupin F ku për kundërshtarë do të ketë: Turqinë, Çekinë dhe Gjeorgjinë debutuese në EURO.

ORARI I TË GJITHA NDESHJEVE DHE GRUPET EURO 2024

PORTUGALIA

LISTA E LOJTARËVE

Portierë - Diogo Costa (FC Porto), José Sá (Wolverhampton Wanderers FC) dhe Rui Patrício (AS Roma);

Mbrojtës - António Silva (SL Benfica), Danilo Pereira (PSG), Diogo Dalot (Manchester United), Gonçalo Inácio (Sporting CP), João Cancelo (FC Barcelona), Nélson Semedo (Wolverhampton Wanderers), Nuno Mendes (PSG), Pepe (FC Porto) dhe Rúben Dias (Manchester City)

Mesfushorë - Bruno Fernandes (Manchester United), João Neves (SL Benfica), João Palhinha (Fulham FC), Otávio Monteiro (Al Nassr), Rúben Neves (Al-Hilal) dhe Vitinha (PSG)

Sulmues - Bernardo Silva (Manchester City), Cristiano Ronaldo (Al Nassr), Diogo Jota (Liverpool FC), Francisco Conceição (FC Porto), Gonçalo Ramos (PSG), João Félix (FC Barcelona), Pedro Neto (Wolverhampton Wanderers) dhe Rafael Leão (AC Milan).