AUSTRALIAN OPEN / WOMEN'S FINAL
Naomi Osaka, fituese e Australian Open 2019
26 January, 2019 @12:17
Kampionja në fuqi e US Open, Naomi Osaka, arriti sot ta fitojë Grand Slamin e dytë në karrierë, duke e mposhtur çeken Petra Kvitova në finalen e Australian Open.
Setin e parë Osaka e fitoi me tie-break 7-6, derisa në setin e dytë Kvitova zhvilloi lojë fantastike, duke përmbysur gjithçka nga 3-5 në 7-5, për t’i barazuar setet në 1-1.
Gjithsesi, momentumin e fituar pas setit të dytë, Kvitova nuk arriti ta shfrytëzojë në të tretin, me japonezen e rritur në Amerikë që u rikthye në lojën e saj dhe e mbylli setin e tretë me rezultat 6-4, për t’u shpallur kështu kampione e Australian Open.
21-vjeçarja Osaka është kampione në fuqi e US Open, ndërkohë që momentalisht renditet e katërta në botën e tenisit të femrave.
Nesër në mëngjes me fillim nga ora 09:30 zhvillohet finalja e meshkujve, ku mes vete përballen Rafa Nadal dhe Nole Djokovic.
