Për herë të parë këtë stinor, Gjilani mposhti Dritën

Pas dy humbjeve dhe një barazimi, Gjilani ka arritur të mposhtë Dritën këtë stinor në kuadër të Superligë dhe atë në moment tepër të rëndësishëm për ekipin e Gentjan Mezanit, pasi që skuadra po lufton për mbijetesë direkte në elitë.

Gjilani ka qenë shumë kërkues që nga fillimi i ndeshjes, ndërsa Drita e këputur nga lufta për titull pa motiv të madh, përkundër se derbi i madh i qytetit. Dhe Gjilani gjeti edhe golin shpejt, kur Edison Kqiku i dha avantazhin, ndërsa më pas edhe Senad Jarovic shënoi, por që goli i tij u anulua nga VAR.

Sidoqoftë, Gjilani gjeti sigurinë në fillim të pjesës së dytë, kur Kushtrim Shabani realizoi për 2-0 dhe pastaj kontrolli lojën. E tëra që bëri Drita deri në fund ishte goli i shënuar nga ish lojtari i Gjilanit, Albert Dabiqaj për përfundimtaren: Gjilani - Drita 2-1 [Edison Kqiku 12’, Kushtrim Shabani 49’ - Albert Dabiqaj 90’+10].

TABELA AKTUALE

Me fitore Gjilani mbetet i shtati në renditje me 42 pikë, një më shumë sesa Feronikeli’74 që është i teti, pozitë kjo që dërgon në barazh. Drita ndërkaq është e treta me 66 pikë nga 35 ndeshje.

Gjilani stinorin do ta përfundojë ndaj Dukagjinit në Klinë, ndërsa Drita në shtëpi ndaj Malishevës.